Diploma Programme — DP
Дипломдық бағдарлама (DP) 16–19 жас аралығындағы оқушыларға халықаралық стандарттарға бағдарланған, күрделі, кең ауқымды және теңгерімді білім беру тәжірибесін ұсынады. Бағдарлама университетте табысты білім алуға, одан әрі білімін жалғастыруға және кәсіби қызметке қажетті академиялық дағдыларды дамытуға бағытталған. Сонымен қатар бағдарлама толыққанды әрі мағыналы өмір сүруге қажетті құндылықтар мен өмірлік дағдыларды қалыптастыруға ықпал етеді. Сипаттама Халықаралық бакалавриат тарапынан ұсынылған. Для получения дополнительной информации посетите сайт www.ibo.orgҚосымша ақпарат алу үшін www.ibo.org сайтына кіріңіз.For more information, please visit www.ibo.org.
Бағдарламаның құрылымы
Дипломдық бағдарламаның (DP) оқу жоспары алты пәндік топтан және DP бағдарламасының негізгі компоненттерінен тұрады.
DP пәндік топтары
- 1. Тілдер және әдебиет
- 2. Тілді меңгеру (екінші тіл)
- 3. Жеке тұлғалар және қоғамдар
- 4. Жаратылыстану ғылымдары
- 5. Математика
- 6. Өнер
Әр оқушы әр топтан бір пән таңдайды: үш пәнді жоғары деңгейде (Higher Level, HL) және үш пәнді стандартты деңгейде (Standard Level, SL) оқиды.
DP бағдарламасының негізгі компоненттері
Академиялық пәндермен қатар бағдарлама үш негізгі компонентті қамтиды:
Бұл курс оқушыларды білімнің табиғатын сыни тұрғыдан талдауға, біз бір нәрсені қалай білетініміз туралы сұрақтар қоюға және әртүрлі пәндерден алынған білімді біріктіруге үйретеді.
Оқушылар өздері таңдаған тақырып бойынша көлемі 4000 сөзге дейінгі зерттеу жұмысын жазады. Бұл олардың дербес зерттеу және академиялық жазу дағдыларын дамытуға көмектеседі.
Бұл компонент оқушыларды шығармашылық, спорттық және волонтерлік жобаларға қатысуға ынталандырады. Ол әлеуметтік дағдылар мен жауапкершілік сезімін дамытуға ықпал етеді.
10–11 сыныптардағы оқу үдерісі
Diploma Programme (DP)
«ZAMAN» мектебі IB Diploma Programme (IB DP) бағдарламасын жүзеге асыруға авторизация алған. Бұл 2025–2026 оқу жылынан бастап 10–11 сыныптардағы оқу үдерісі толығымен IB DP халықаралық бағдарламасы аясында жүзеге асырылатынын білдіреді.
ATL (Approaches to Learning) дағдыларын дамытуға, жобалық және зерттеу жұмыстарына, сондай-ақ оқушыларды IB қорытынды бағалауына дайындауға ерекше көңіл бөлінеді.
Сонымен қатар мемлекеттік жалпыға міндетті білім беру стандарты (МЖМБС) бойынша білім алатын 10–11 сынып оқушыларына вариативті компонент ретінде аптасына 6 сағат көлемінде IELTS бойынша факультативтік сабақтар ұсынылады.
Қазақ тілі 
Русский 
English