«Zaman» Элиталық Қазақ Мектебіндегі IB MYP бағдарламасы

«Zaman» Элиталық Қазақ Мектебі 5-9 сынып оқушыларына арналған халықаралық мойындалған білім беру бағдарламасы – International Baccalaureate (IB) Middle Years Programme (MYP) ұсынады. MYP бағдарламасы оқушыларды өздерінің оқу үдерісін шынайы өмірмен байланыстыруға ынталандырып, өмір бойы білім алуға деген құштарлықты дамытады.

Неліктен IB MYP бағдарламасын таңдау керек?

IB MYP бағдарламасы оқушылардың академиялық және азаматтық дамуын толық қамтиды. Бағдарлама сыни ойлау, шығармашылық және мәдениетаралық түсіністікке баса назар аудара отырып, оқушыларды оқу үдерісінен тыс өмірде де табысты болуға дайындайды.

«Zaman» Элиталық Қазақ Мектебіндегі IB MYP бағдарламасының негізгі ерекшеліктері:

Зерттеуге негізделген оқыту: Біздің оқушылар күрделі тақырыптарды зерттеп, дербес ойлау қабілетін дамытуға мүмкіндік алады.
Жаһандық көзқарас: Оқу бағдарламасы оқушылардың білімін жаһандық тұрғыдан қарауға үйретеді, бұл мәдениетаралық түсіністік пен әртүрлі көзқарастарды қабылдауға ықпал етеді.
Қоғамдық қызмет: Оқушылар қоғам алдындағы жауапкершіліктерін сезініп, әлеуметтік жобаларға белсенді қатысады, бұл оларда жанашырлық пен қамқорлық сезімін қалыптастырады.
Пәнаралық оқыту: MYP бағдарламасы әртүрлі пәндер арасындағы байланыстарды қамтиды, бұл оқушыларға пәндер арасындағы өзара байланысты түсініп, оларды шынайы өмірге қолдануға мүмкіндік береді.
Жеке қолдау: “Zaman” Элиталық Қазақ Мектебінде біз әрбір оқушының жеке қабілеттерін толық ашып, академиялық және жеке дамуына ықпал ету үшін жеке қолдау көрсетеміз. Мысалы, қазақ тілі, ағылшын тілі және математика сабақатары фазалық оқыту әдісі бойынша оқытылады. Сонымен қатар, әр сабақтың жоспары дифференцияцияға негзделіп құрылады.

Ұсынылатын пәндер

«Zaman» Элиталық Қазақ Мектебіндегі IB MYP бағдарламасы бойынша оқушылар келесі бағыттар бойынша оқиды:

• Тіл және әдебиет
• Математика
• Ғылым
• Тұлғалар және қауымдастықтар
• Дизайн
• Өнер
• Дене шынықтыру және денсаулық
• Тілді қалыптастыру

Жеке жоба

Жеке жоба – бұл MYP бағдарламасының соңғы жылындағы маңызды компоненттердің бірі. Бұл жоба барысында оқушылар өздеріне қызықты тақырыпты таңдап, зерттеу жүргізіп, нақты нәтижеге қол жеткізеді. Бұл жоба оқушылардың уақытты басқару, тәуелсіз оқу және өзін-өзі ынталандыру сияқты дағдыларын дамытады. “Zaman” Элиталық Қазақ Мектебінде оқушыларға осы жоба барысында тәлімгерлер қолдау көрсетіп, олардың сәтті нәтижеге жетуіне көмектеседі.

Әлеуметтік жоба

Әлеуметтік жоба - қызмет көрсету арқылы оқытуды мақсат етеді және оқушыларды жергілікті немесе жаһандық қауымдастықпен байланыс орнатып, оң өзгерістер енгізуге ынталандырады. Жоба 8 сынып оқушыларына арналған. Оқушылар қоғам қажеттілігін анықтап, жоспар құрып, оны жүзеге асырады. Бұл жоба көшбасшылық, ынтымақтастық және жанашырлық дағдыларын дамытады, сондай-ақ олардың қоғамға қалай үлес қоса алатынын көрсетеді.