1-4 сыныптардың оқу үрдісі PYP

Primary Years Programme (PYP) бағдарламасы бойынша оқушылардың дамуына әсері

Критикалық ойлау жүйесі (СТО) IB бастауыш бағдарламасы (PYP) бойынша оқушылардың дамуына үлкен үлес қосады. Ол оқу үдерісіне біріктіріліп, оқушыларға келесі негізгі артықшылықтарды береді:

1. Ойлау дағдыларын дамыту: СТО оқушыларды ақпаратты талдауға, байланыстыруға және негізделген қорытындылар жасауға үйретеді. Олар тек фактілерді есте сақтамайды, проблеманы әр түрлі қырынан қарастырып, терең түсінуге мүмкіндік алады.

2. Зерттеу дағдыларын қалыптастыру: PYP бағдарламасында оқушылар өз сұрақтарын қойып, соларға жауап іздейді. СТО олардың зерттеу дағдыларын дамытып, тақырыпты өздігінен зерттеуге үйретеді, бұл қызығушылықты, сенімділікті арттырады.

3. Қатысуды арттыру: СТО оқыту процесін интерактивті және қызықты етеді. Оқушылар талқылауларға қатысып, түрлі көзқарастарды талдап, өз пікірлерін қалыптастырады. Бұл олардың ынтасын және қызығушылығын жоғары деңгейде сақтауға көмектеседі.

4. Мәселелерді шешу қабілеті: СТО күрделі мәселелерді бірнеше кіші қадамдарға бөлу арқылы шешуге көмектеседі. Бұл олардың күрделі сұрақтарға сыни тұрғыдан қарап, шешім табуына мүмкіндік береді.

5. Ашықтық пен креативтілік: СТО оқушыларды ойлаудың икемділігіне үйретеді. Олар жаңа идеяларға ашық болуға, креативті ойлауға және стандартты ойлаудан тысқары шығуға машықтанады, бұл жаңа жағдайларға бейімделуге көмектеседі.

6. Метакогнитивті дағдыларды дамыту: PYP оқушылары өздерінің ойлау үдерістерін де бағалауды үйренеді. Олар өздеріне “Мен неге осылай ойлаймын?”, “Менде қандай дәлелдер бар?”, “Мен не білуім керек?” деген сұрақтар қояды. Бұл өзін-өзі рефлексиялау және өзін-өзі реттеу дағдыларын дамытуға көмектеседі.

7. Эмпатия және ынтымақтастық: СТО оқушыларға әртүрлі көзқарастарды түсінуге және құрметтеуге көмектеседі, бұл олардың эмпатия және топта тиімді жұмыс істеу дағдыларын дамытады. Талқылау және пікір алмасу барысында олар топпен жұмыс істеуді және шешімдерді бірлесіп қабылдауды үйренеді.
Осылайша, PYP бағдарламасындағы СТО оқушылардың тек академиялық тұрғыдан өсуіне ғана емес, сондай-ақ өмірде қажет болатын дағдыларды, мысалы, креативтілік, бейімделу, өзін-өзі дамыту және топпен жұмыс істеу қабілетін дамытуға ықпал етеді.

2024-25 оқу жылындағы PYP бағытының жұмысы

Қазіргі таңда мектеп PYP бағдарламасы бойынша Консультациялық визиттен сәтті өтіп, енді авторизациядан өтуге дайындық үстінде. Бағдарлама талаптары бойынша негізгі атқарылып жатқан жұмыс бағыттары:

• Бастауыш мектеп мұғалімдерінің біліктілікті арттыру курстарынан өтуі;
• РУР бағдарламасының негізгі стандарттары мен элементтерін енгізу бойынша жұмыс жоспарының (Action Plan) құрылуы және жүзеге асырылуы;
• РУР бағдарламасы бойынша зерттеу бағдарламасын (Program of Inquiry) құрылуы және сонымен жұмыс жасалуы (Unit Planners);
• Бағалау жүйесінің қалыптастыруы және жүзеге асырылуы;
• РУР бағдарламасының маңызды жобасы – РУР Exhibition яғни РУР көрмесіне жұмыстың басталуы;
• Кітапхананы ресурстармен (мультимедиалық және кітап қоры) жабдықтау және кітапханашының біліктілікті арттыру курсынан өтуі, өз бағыты бойынша жұмыс жоспарының (Action Plan) құрылуы және жүзеге асырылуы.

Оқу жүктемесі